Tulfo pushes NGCP, DOE & generation companies to monitor power plants to avoid brownouts

PHILIPPINES, April 18 - Press Release
April 18, 2024

Tulfo pushes NGCP, DOE & generation companies to monitor power plants to avoid brownouts

Senator Idol Raffy Tulfo expressed concern over the low power supply to meet the demands of consumers in Luzon and Visayas areas.

Tulfo, Chairperson of the Senate Committee on Energy, made the statement after the National Grid Corporation of the Philippines (NGCP) placed the Luzon and Visayas Grids under red and yellow alerts on April 16 since more than 30 power plants are offline or are operating at a reduced capacity.

"Ang nasabing alert levels ay nakakabahala gayong una nang nagbigay ng pahayag si Department of Energy (DOE) Undersecretary Felix Fuentebella noong Pebrero na mayroong sapat na power supply sa bansa sa panahon ng El Niño. Dagdag pa ng DOE, wala umano silang nakikitang power supply issues sa mga susunod na buwan," he said.

"Nakikipag-uganayan na ako at ang aking opisina sa DOE at NGCP upang siguraduhin na ang mga kasalukuyan nating power plants ay maaasahan at hindi papalya, lalo pa ngayong napakainit ng panahon," he added.

Tulfo stressed the need for intensive monitoring of the DOE, NGCP and generation companies of power plants to avoid recurring brownouts.

"Malaki ang nagiging masamang epekto ng pagkawala ng kuryente lalo na sa kalusugan at ekonomiya ng ating mga kababayan. Kaya kapag nagkaroon ng malawakang brownout sa bansa, ang mga consumer ang magdurusa at kawawa," said he.

According to the DOE, they are already in contact with NGCP and generation companies to prevent brownouts in the country. The DOE also ordered distribution utilities and electric cooperatives to implement interruptible load programs. This is where large establishments such as factories and malls will use their own generators to reduce electricity consumption from the grid. ###

---

Puspusang monitoring ng DOE, NGCP at generation companies sa mga planta ng kuryente, tinutulak ni Sen. Tulfo!

Isinailalim ng National Grid Corporation of the Philippines (NGCP) noong Abril 16, ang Luzon at Visayas Grids sa Red and Yellow alerts dahil sa manipis na suplay ng kuryente. 19 na planta sa Luzon at 12 na planta sa Visayas ang nagkaroon ng forced outage kaya kinulang ang kuryente sa bansa.

Nangyayari ang pagtaas ng mga alert level kapag kulang ang supply ng kuryente kumapara sa demand. Ibinaba na sa Yellow Alert ang Luzon Grid samantalang nananatili sa Yellow Alert ang Visayas Grid ngayong araw, Abril 17.

Ayon kay Sen. Idol Raffy Tulfo, "ang nasabing alert levels ay nakakabahala gayong una nang nagbigay ng pahayag si Department of Energy (DOE) Undersecretary Felix Fuentebella noong Pebrero na mayroong sapat na power supply sa bansa sa panahon ng El Niño. Dagdag pa ng DOE, wala umano silang nakikitang power supply issues sa mga susunod na buwan."

Kaya bilang Chairperson ng Senate Committee on Energy, nakikipag-uganayan si Sen. Idol Raffy Tulfo sa DOE at NGCP upang siguraduhin na ang mga kasalukuyan nating power plants ay maaasahan at hindi papalya, lalo pa ngayong napakainit ng panahon.

Binigyang diin ni Sen. Tulfo na dapat ay puspusan din ang monitoring ng DOE, NGCP at generation companies sa mga planta ng kuryente para maiwasan ang brownout na kalbaryo para sa mga consumer.

"Malaki ang nagiging masamang epekto ng pagkawala ng kuryente lalo na sa kalusugan at ekonomiya ng ating mga kababayan. Kaya kapag nagkaroon ng malawakang brownout sa bansa, ang mga consumer ang magdurusa at kawawa," saad niya.

Ayon sa DOE, nakikipag-ugnayan na sila sa NGCP at mga generation companies para maiwasan ang brown out sa bansa. Nagbigay din ng kautusan ang DOE sa mga distribution utilities at mga electric cooperatives na magpatupad ng mga interruptible load program. Ito ay kung saan ang mga malalaking establisyimento tulad ng mga pabrika at malls ay gagamit ng sarili nilang generator para mabawasan ang gumagamit ng kuryente mula sa grid.